தினமும் சுபவீயின் ஒரு நிமிடச் செய்தியை whatsappல் பெற விரும்புவோர் subavee.blog@gmail.com என்ற மின்னஞ்சல் முகவரிக்கு தங்கள் அலைபேசி எண்ணை அனுப்பவும்.

Sunday, 10 March 2019

நம்பிய வீணையின் நரம்பு அறுந்தது!




பொங்கல் விழாவின் மறுநாள் (16.01.2019) நெல்லையிலிருந்து தோழர் சந்தானம் தொலைபேசியில் அழைத்து, "ஐயா, நம் வீணையின் மைந்தன்....." என்று தொடங்கியபோது கூட, இப்படி ஓர் அதிர்ச்சிச் செய்தியை நான் சற்றும் எதிர்பார்க்கவில்லை

திரைப்பட இயக்குனர் மணிவண்ணனிடம் உதவி இயக்குநராகப் பணியாற்றிய காலம் முதலே நான் தம்பி வீணையின் மைந்தனை அறிவேன். திரையுலகில் ஆர்வமும், சமூக அக்கறையும் கொண்ட ஆற்றல் மிக்க இளைஞர் அவர். அண்மையில் சில பாடல்களையும் திரைப்படத்தில் எழுதியுள்ளார். ஒரு படத்தை இயக்கும் முயற்சியில் இருந்தார் என்பதையும் நான் அறிவேன். எனவே, அம்முயற்சி வெற்றிபெற்று, படத்தின் தொடக்க விழா குறித்து என்னிடம் சொல்லவே, சந்தானம் தொலைபேசுகின்றார் என்று நினைத்தேன்

பெரியாரியத்தின் நுழைவாயில் 



சென்னை புத்தகக் கண்காட்சி நமக்குப் பல புதிய அனுபவங்களையும், புதிய நண்பர்கள் பலரையும் பெற்றுத் தந்தது. அங்கு நம் 'கருஞ்சட்டைப் பதிப்பகம்' அரங்கில் என்னைச் சந்தித்து, உங்களை நேரில் கண்டு பேச வேண்டும் என்றும், உங்களோடு சேர்ந்து அமைப்பில் பணியாற்ற வேண்டும் என்றும் ஆர்வம் தெரிவித்த நண்பர்களின் பெயர்களையும், அவர்களின் தொலைபேசி எண்களையும் தோழர் ஜெயசூர் குறித்துக் கொண்டே வந்தார். ஒரு நூறு பேருக்கும் மேலானவர்கள் பெயர்கள் கொடுத்துள்ளனர் என்று அவர் சொன்னபோது மகிழ்ச்சியாய் இருந்தது. சென்னையில் வாழும் நண்பர்களை மட்டும் முதல் சுற்றில் பார்த்துவிடலாம் என்று கருதி, நாங்கள் விடுத்த அழைப்பை ஏற்று, ஏறத்தாழ 50 நண்பர்கள் 03.02.2019 அன்று சென்னை எழும்பூரில் வந்து குழுமினர்.