என்
ஏட்டின் கணக்கைக்
கூட்டிக் கழிக்கையில்
முன்பின் முரண்கள்
முகங் காட்டுகின்றன
எந்த வெள்ளத்தையும்
எதிர்கொண்டு வென்றும்
சின்னத் தூறலுக்கே
சிலநேரம் கரைந்தும்
ஓடும் செம்பொனும்
ஒக்கவே நோக்கியும்
ஓடிப் பொன்புகழ்
காமம் தேடியும் -
காரிருள் தனிலும்ஒரு
கரும்பூனையைக் கண்டுபிடித்தும்
பட்டப்பகலின் வெட்டவெளியில்
என்னையே நான் தேடியும் -
என்
ஏட்டின் கணக்கைக்
கூட்டிக் கழிக்கையில்
முன்பின் முரண்கள்
முகங் காட்டுகின்றன !
//ஏட்டின் கணக்கைக்
ReplyDeleteகூட்டிக் கழிக்கையில்
முன்பின் முரண்கள்
முகங் காட்டுகின்றன !//
பா நயத்திற்கு முரண் அழகு...
நாணயத்திற்கு முரண் அழகு.
சுப.வீ. ஐயா தங்கள்
நா நயத்திற்கும் அதுதான் அழகு....
ஓடும் செம்பொனும் ஒக்கவே நோக்கியும் ஓடிப் பொன்புகழ் காமம் தேடியும் -.................விளங்கவில்லை ஐயா...சற்று விளக்கம் தர இயலுமா...?
ReplyDelete