கள்ள மௌனம் ஏதுமில்லை!

எழுத்தாளர் பெருமாள் முருகனின் 'மாதொரு பாகன்' நாவல் தொடர்பான போராட்டங்களும், விவாதங்களும் தமிழகம் முழுவதும் முழு வீச்சில் நடந்து கொண்டுள்ளன. 'இது குறித்து ஏன் நீங்கள் வாயே திறக்கவில்லை?' என்று தொலைபேசியில் உரிமையுடன் கேட்டுக் கடிந்துகொண்டார் என் நண்பரும், எழுத்தாளருமான பழ.அதியமான். மௌனம் தவறானதுதான் என்பதை ஏற்றுக் கொள்கின்றேன். எனினும் அதற்கு உள்நோக்கம் ஏதுமில்லை. 

நான் அந்த நாவலைப் படித்ததில்லை. படிக்கவும்அந்நூல் எனக்கு  உடன்  கிடைக்கவில்லை. படித்துவிட்டுக் கருத்துச் சொல்லலாம் என்று காத்திருந்தேன். அவ்வளவுதான். 

எவ்வாறாயினும்,  மதவெறி, ,சாதிவெறி அமைப்புகள். ஓர் எழுத்தாளனின் கருத்துரிமையைப் பறிக்கும் முயற்சியில் ஈடுபட்டிருப்பதைக் கண்டிப்பதில் எனக்கு எந்தத் தயக்கமும் இல்லை. இதில் அவர்கள் வெற்றிபெற்றால், எதிர்காலத்தில் அதுவே ஒரு தொடர்கதை ஆகி விடும் என்பதில் ஐயமில்லை. அதனைத் தடுக்க வேண்டிய கடமை ஜனநாயகச் சிந்தனையாளர்கள் அனைவருக்கும் இருக்கிறது. 

அந்நூலைப் படித்துவிட்டு, ஓரிரு நாள்களில், முழுமையான என் கருத்தைப் பதிவு செய்வேன். முற்போக்காளர்களின் போராட்டத்தில் என்னையும் இணைத்துக் கொள்வேன்.